Հայկական խոհանոցը միշտ տարբերվել է իր համով և յուրահատկությամբ։ Ազգային խոհանոցում քաղցրավենիքն իր առանձնահատուկ տեղն ունի: Համեղ քաղցրավենիքների մեծ մասի բաղադրատոմսերը շատ հին են։ Հայկակական քաղցրավենիքները տարբերվում են ոչ միայն իրենց համով, այլ նաև օգտակարությամբ։ Ազգային խոհանոցի համեղ քաղցրվենիքներից կարող ենք առանձնացնել՝ մածունով գաթան, փախլավան, մեղրով պատրաստվող թխվածքները, մրջնաբույնը և այլն։
Հայկական քաղցրավենիքներից խոսելիս առաջինը չենք կարող չառանձնացնել հայկական ավանդական գաթան։ Գաթան եղել է հայկական խոհանոցում դեռ վաղուց և այն միշտ տոնական սեղանների անբաժան մասն է կազմում։ Կան մի շարք բաղադրատոմսեր հայկական ավանդական գաթայի, դա նրանից է, որ ամեն մարզ ունի իր հատուկ բաղադրատոմսը, բացի դա ամեն ընտանիք ևս ունի իր առանձին բաղադրաատոմսը։ Այն հիմնականում պատրաստվում է կարագով, ալյուրով և մածունով, իսկ խորիզը՝ ալյուրով, շաքարավազով, կարագով։ Արդյունքում ստացվում է փափուկ, քաղցր, փխրուն և շատ համեղ քաղցրավենիք։ Գաթա պանդոկում կան նաև ընկույզով, չրերով, գետնանուշով, հալվայով, կիտոնով գաթաներ, որոնք ունեն յուրահատուկ համ և օգտակարություն։
Կա վարկած, որ քաղցրավենիքները վնասում են առողջությանը, միգուցե՝ այո, բայց հայկական քաղցրավենիքների մեծ մասը բացառություն են։ Այդ բացառությունների ցանկում է հայկական չրերի լայն տեսականին։ Հայկական խոհանոցում չրեր պատրաստում են գրեթե բոլոր մրգերից։ Հայկական չրերը տարածված են ամբողջ աշխարհում, առանձնահատուկ են և ունեն հայկական արևով հագեցած յուրահատուկ համ։ Դա նրանից է, որ Հայաստանում աճեցվող մրգերն իրենց տեսքով և համով տարբերվում են այլ երկրների պտուղներից՝ պայմանավորված աշխարհագրական դիրքով, բարենպաստ կլիմայական պայմաններով և արևի առատությամբ։
Հայկական քաղցրավենիքների ցանկում են նաև մուրաբաները։ Այն պատրաստում են զանազան մրգերից, ցիտրուսներից, հատապտուղներից և նույնիսկ որոշ բանջարեղեններից, որոնց բաղադրատոմսերը փոխանցվել են սերնդեսերունդ. հիմնական մթերքը եփվում է շաքարաջրում և պահվում ամուր փակ ամաններում։ Այն շատ լավ համդրություն է թեյի հետ։ Հայերը շատ են սիրում ձմռան ցուրտ երեկոնները անցկացնել ընտանեկան միջավարում հայկական համեղ թեյով և մուրաբայով։
Հայկական խոհանոցը միշտ էլ ավելին է եղել, քան պարզապես ուտեստների հավաքածու։ Այն հիշողություն է, ընտանեկան…
Հայկական խոհանոցը հարուստ է ոչ միայն բազմազան ուտեստներով, այլև դրանց շուրջ ձևավորված յուրահատուկ ավանդույթներով ու…
Հայկական խոհանոցը հայտնի է իր հարուստ, խորը և ժամանակի փորձությունը անցած մսային ուտեստներով։ Սակայն այդ…
Հայկական խոհանոցը սերունդների ընթացքում ձևավորվել է որպես ոչ միայն սննդի մշակույթ, այլև ազգային ինքնության կարևոր…
Ամանորը հայ ընտանիքների կյանքում առանձնահատուկ ժամանակ է, երբ սեղանը դառնում է ոչ միայն կերակուրների հավաքածու,…
Երբ մոտենում է Ամանորը, հայկական տներում առաջինը փոխվում է ոչ թե զարդարանքը, այլ բույրը։ Տաք…