Գաթա պանդոկի գաթաներն արդեն նոր փաթեթավորմամբ

Գաթա պանդոկի գաթաներն արդեն նոր փաթեթավորմամբ

 Տարիներ շարունակ ԳԱԹԱ ՊԱՆԴՈԿԸ  լինելով պահանջված և սիրված վայր, օտարերկրացիներին և տեղաբնակներին  զարմացնում է ոչ միայն իր ուտեստներով, այլ նաև գաթաներով ։

Գաթա,հայկական ազգային հրուշակեղեն, որը տարածում ունի ինչպես Հայաստանում, այնպես էլ հայկական սփյուռքում։Հայաստանում գաթայի շատ տարբերակներ կան։ Հանդիպում է տարբեր ձևերով ու չափսերով։ Նախկինում գաթան թխում էին թոնրի մեջ, բայց այժմ թխում են նաև վառարաններում։ Գաթան թխվում է ինչպես կլոր տարբերակով, այնպես էլ հատիկներով․ Խմորը լայն բացվում է, ամբողջ տարածքով շաղ է տրվում խորիզը, այնուհետև գլանաձև ոլորվում է և դանակով կտրվում,գեղեցկության համար նաև զոլավոր դանակով շեղակի կտրատվում է գլանակը վերածելով գեղեցիկ գաթայի կտորների։ Գաթայի վրա փայլն ապահովելու համար ձվի դեղնուց է քսվում կաթի հետ խառնած, կամ մուգ սև թեյի թուրմ։

Մեր պատրաստած գաթաները ոչ միայն աչքի են ընկնում իրենց անզուգական համով, այլև ձևավորումն ու փաթեթավորումը ևս կոկիկորեն հարմարեցված են ձեր հարսանիքի շքեղ ոճին:

Մեր գաթաները ստեղծվում են միայն բարձրորակ բաղադրիչներից՝ ապահովելով ոչ միայն նուրբ ու անուշ համ, այլև հանդիսության համար անհրաժեշտ շքեղությունը: Յուրաքանչյուր կտոր ուղղակի փայլում է մեր վարպետության և նրբաճաշակության համադրությամբ:

Մեր գաթան ոչ միայն հայկական մշակույթի մասն է, այլև մի համով փորձառություն, որը փոխանցում է հայկական խոհանոցի ջերմությունը և հյուրընկալությունը։ Ե՛վ հայրենիքում, և՛ արտերկրում մեր գաթան մնում է սիրելի ընտրություն՝ դառնալով մի մասը այն հիշողությունների, որոնք մարդիկ իրենց հետ տանում են աշխարհով մեկ։

Մեր գաթայի բաղադրատոմսը գալիս է այն ժամանակներից, երբ ամեն ինչ պատրաստվում էր սիրով և համբերությամբ՝ ընտանեկան օջախներում: Մեր տատիկներն այն պահպանել են տարիների ընթացքում՝ փոխանցելով այդ բաղադրատոմսի գաղտնիքները մեզ: Այսօր, մենք շարունակում ենք նույն խնամքով ու նրբությամբ պատրաստել այդ գաթաները՝ պահելով ավանդույթներն ու ներդաշնակությունը: 

Սերնդեսերունդ փոխանցվող բաղադրատոմսերն ունեն մի կարևոր առանձնահատկություն՝ դրանց մեջ միշտ կա մի բան, որ չի փոխվում: Դա սիրո և հոգատարության այն չափաբաժինն է, որ դրվում է յուրաքանչյուր կտոր գաթայի մեջ: Այդ պատճառով էլ մեր գաթաներն ունեն անկրկնելի համ՝ լի ավանդական շնչով։

Մեր գաթաները ոչ միայն քաղցրություն են՝ սեղանի վրա, այլև մի փոքրիկ պատմություն, որն ապրում է յուրաքանչյուր կտորի մեջ: Տատիկների ժառանգությունը մենք սիրով փոխանցում ենք ձեզ, որ յուրաքանչյուրդ վայելեք մեր ավանդույթների համը և ջերմությունը՝ ինչպես այն եղել է շատ տարիներ առաջ։ 

ԳԱԹԱ ՊԱՆԴՈԿՈՒՄ պատրաստվում է թե ավանդական  բաղադրատոմսով գաթաներ և թե տարատեսակ յուրահատկություն  հաղորդող հավելումներ՝ ընկույզ, ծիրանաչիր,լիմոն, սալորաչիր։

Եվ իհարկե շատ սպասված նորությունը, այսուհետ ոչ  միայն ԳԱԹԱ ՊԱՆԴՈԿԻՑ, ԳՈՒՄԻ ՇՈՒԿԱՅԻՑ, այլ նաև ԳՈՒՐՄԵՆԻԱ և ԷՎՐԻԿԱ սուպերմարկետների ցանցից կարող եք ձեռք բերել ԳԱԹԱ ՊԱՆԴՈԿԻ հայկական ոգով պատրաստված գաթաները։