Ամառը Երևանում նշանակում է ոչ միայն արև, ջերմություն ու ակտիվություն, այլև՝ տասնյակ փառատոներ, որոնք միավորում են ուտելիքը, երաժշտությունը, արվեստը և մշակույթը մեկ ընդհանուր տոնական մթնոլորտի մեջ։ Ամառային փառատոնները Երևանում դարձել են քաղաքի այցեքարտը՝ յուրաքանչյուր տարի գրավելով հազարավոր տեղացիների ու զբոսաշրջիկների ուշադրությունը։
Այս փառատոններն առանձնանում են իրենց բազմազանությամբ՝ խոհարարական փառատոներ Երևանում, գինու, պանրի, փողոցային սննդի և թեյի փառատոներ, ինչպես նաև ազգագրական, երաժշտական ու վիզուալ արվեստին նվիրված միջոցառումներ։ Կարելի է ասել՝ սրանք իսկական տոն են բոլոր զգայարանների համար։
Փառատոնները դառնում են նաև մշակույթների խաչմերուկ․ համտեսելով լոռվա բոռշը կամ Սյունիքի թանապուրը՝ այցելուն միաժամանակ բացահայտում է տեղի պատմությունն ու ավանդույթները։Այս միջոցառումներում այցելուն կարող է ուտել, լսել, տեսնել, զգալ, սովորել և փորձել։ Երևանը ամռանը վերածվում է ապրումների կենտրոնի,համեղ փորձառության, որը չի կարելի բաց թողնել։
Երևանը հյուրընկալում է բազմաթիվ փառատոներ, սակայն որոշները դարձել են արդեն ավանդույթ՝ գրավելով հազարավոր մարդկանց ոչ միայն Երևանից, այլև տարբեր քաղաքներից ու երկրներից։ Ստորև ներկայացնում ենք ամենահայտնի փառատոներ Երևանում, որոնց մասին արժե իմանալ և որոնց չմասնակցելը ուղղակի կորսված հնարավորություն է։
Yerevan Wine Days-Գինու սիրահարների համար սա տարվա ամենասպասված իրադարձությունն է։ Մայիսի վերջին ու հունիսի սկզբին քաղաքի կենտրոնում կազմակերպվում է գինու համտես՝ Հայաստանի ամենահայտնի գինեգործների մասնակցությամբ։ Գինին ուղեկցվում է հայկական ավանդական ուտեստներով ու կենդանի երաժշտությամբ։Հիշարշան երեկո, որը ամբողջ տարի կմնա հիշողություններում։
Yerevan Food Fest- Սա ամբողջովին նվիրված է խոհարարական փառատոներին Երևանում։ Այստեղ ներկայացվում են Հայաստանի մարզային խոհանոցները, ինչպես նաև միջազգային ուտեստներ։ Կարող եք մի վայրում համտեսել և՛ տոլմա, և՛ թաիլանդական պադ թայ։
Street Music Days-Երաժշտասերների համար սա իրական տոն է։ Փողոցային երաժիշտներ, խմբեր, DJ-ներ ներկայացնում են իրենց կատարումները բացօթյա բեմերում՝ Կասկադից մինչև Հյուսիսային պողոտա։ Երաժշտությունը ընդգրկում է ռոք, ջազ, ֆոլք, էլեկտրոնիկա և ավանդական ժանրեր։
Taraz Fest- Հայկական տարազի և ձեռագործ արվեստի փառատոնը․ Taraz Fest-ը ոչ միայն ցուցադրում է ավանդական հագուստ, այլ նաև ներկայացնում է դրանց պատմությունը, ձեռագործության ընթացքը և կերպարային ոճաբանությունը։ Այս փառատոնը համադրում է ավանդույթը՝ նորաձևության և ժամանակակից մոտեցումների հետ։
Yerevan Color Festival-Գույնի, երաժշտության ու երիտասարդական էմոցիայի պայթյուն՝ սա ամառվա ամենագունեղ իրադարձություններից է։ Մասնակիցները միմյանց վրա գունավոր փոշի են նետում, պարում են DJ-ների ռիթմերին ու վայելում անսահման ազատություն։
Gastro Yerevan / BBQ Festival-Ամառային փառատոներ Հայաստանում չէին լինի ամբողջական առանց խորովածի։ BBQ փառատոնը ներկայացնում է մսային կերակուրների բազմազանություն՝ հայկականից մինչև կովկասյան ու մերձարևելյան տարբերակներ։
Երևանը ամռանը դառնում է ոչ միայն Հայաստանի, այլ ամբողջ Կովկասի մշակութային և գաստրոնոմիկ կենտրոնը։ Ամառային փառատոներ Երևանում միավորում են ամենաբնութագրականը՝ հայկական հյուրընկալություն, խոհանոց, մշակույթ, արվեստ և ստեղծագործ ոգի։
Երբ Երևանում կազմակերպվում են ամառային փառատոններ, քաղաքն ապրում է նոր ռիթմով՝ էլ ավելի աշխույժ, գունեղ ու բաց բոլորի առջև։ Եթե մտածում եք՝ երբ այցելել Երևան, ապա ամենաիդեալական ժամանակը հենց փառատոնային սեզոնն է։
Ահա մի քանի առավելություն՝ որոնք կստիպեն ընտրել փառատոնների շրջանը։Տեսնել Երևանը՝ իր լավագույն տեսքով՝ փառատոնների օրերին քաղաքի ամենագլխավոր հրապարակները, այգիներն ու փողոցները վերածվում են բեմերի ու տաղավարների, որտեղ ներկայացվում է տեղական մշակույթը։ Ամառային փառատոներ Երևանում հնարավորություն են տալիս միաժամանակ զբոսնել քաղաքով, վայելել կենդանի երաժշտություն, ուտել համեղ բաներ և հանդիպել հետաքրքիր մարդկանց։
Մասնակցել մաստեր-կլասների և մշակութային միջոցառումների։Շատ փառատոններ ունեն ուսուցողական հատվածներ՝ խոհարարական մաստեր-կլասներ, նկարչության ու արհեստագործության փորձառական անկյուններ։ Դրանք գրավում են հատկապես երիտասարդներին ու ընտանիքներին
Բացահայտել Հայաստանի ավանդական խոհանոցն ու գինիները։Եթե փնտրում եք խոհարարական փառատոներ Երևանում, ապա ամառը ձեր շանսն է։ Այստեղ կարող եք համտեսել ինչպես տնական գաթա, այնպես էլ նորարարական սփռոց-շոուի շրջանակում պատրաստված խորոված։ «Yerevan Gastro Day»-ի նման միջոցառումները կբացահայտեն գաստրոտուրիզմի իրական ուժը։
Հանգստանալ առանց Երևանից դուրս գալու։Փառատոնային Երևանն ապահովում է վայելքի, հանգստի և ժամանցի ամբողջ փաթեթը՝ առանց երկար ճանապարհորդության։ Դուք կարող եք պարզապես գնալ քաղաքով մեկ քայլելով ու հայտնվել մշակութային տոնի սրտում։
Նման փառատոնները հիանալի առիթ են ոչ միայն հանգստանալու ու զվարճանալու, այլև Հայաստանի պատմությունն ու ներկան բացահայտելու։ Եթե ցանկանում եք իսկապես զգալ քաղաքը, նրա համն ու գույնը՝ ամառային փառատոների օրերին Երևանում գտնվելը անփոխարինելի է։
Հայկական խոհանոցի պատմությունը վկայում է, որ դարեր շարունակ միսը համարվել է տոնական մթերք, մինչդեռ առօրյա…
Հայկական խոհանոցը հագեցած է բազմազանությամբ, սակայն նույնիսկ ամենահեղինակավոր ռեստորաններում հաճախ մնում են այնպիսի ուտեստներ, որոնք…
Երբ Գաթա Պանդոկ ես մտնում, զգում ես, թե ինչպես է անցյալը վերածվում ներկայի։ Ամեն մանրուք՝…
Հայկական խոհանոցը հպարտորեն կանգնած է ժամանակի դիմաց՝ պահպանելով իր համերի մաքրությունն ու բնությանը հավատարմությունը։ Մեր…
Հայկական խոհանոցն իր ամբողջ փառքով երբեմն ներկայանում է ոչ միայն ճաշատեսակներով, այլ նաև դեսերտներով։ Ամառը…
Հայկական խոհանոցը հայտնի է իր հարուստ համերով, բուրավետ մսով ուտեստներով և ժամանակով փորձված բաղադրատոմսերով։ Ամառը…